Kyrie, eléison. Kyrie, eléison.

Christe, eléison. Christe, eléison.

Kyrie, eléison. Kyrie, eléison.

Christe, áudi nos. Christe, áudi nos.

Christe, exáudi nos. Christe, exáudi nos.

Pater de cælis, Deus, miserére nobis.

Fili, Redémptor mundi, Deus,

Spíritus Sancte, Deus,

Sancta Trínitas, unus Deus,

Sancta María, ora pro nobis.

Sancta Dei Génetrix,

Sancta Virgo Vírginum,

Mater crucifíxa,

Mater dolorósa,

Mater lacrimósa,

Mater afflícta,

Mater derelícta,

Mater desoláta,

Mater Fílio orbáta,

Mater gládio transverberáta,

Mater ærúmnis confécta,

Mater angústiis repléta,

Mater cruci corde affíxa,

Mater mæstíssima,

Fons lacrymárum,

Cúmulus passíonum,

Spéculum patiéntiæ,

Rupes constántiæ,

Áncora confidéntiæ

Refúgium derelictórum,

Clípeus oppressórum,

Debellátrix incredulórum,

Solácium miserórum,

Medicína languéntium,

Fortitúdo debílium,

Portus naufragántium,

Sedátio procellárum,

Recúrsus mæréntium,

Terror insidiántium,

Óculus Prophetárum,

Thesáurus fidélium,

Báculus Apostolórum,

Coróna Mártyrum,

Lumen Confessórum,

Margaríta Vírginum,

Consolátio viduárum,

Lætítia Sanctórum ómnium,

Agnus Dei, qui tollis peccáta mundi, parce nobis, Dómine.

Agnus Dei, qui tollis peccáta mundi, exáudi nos, Dómine.

Agnus Dei, qui tollis peccáta mundi, miserére nobis.

V. Ora pro nobis, Virgo dolorosíssima.

R. Ut digni efficiámur promissiónibus Christi.

V. Orémus.

Deus, in cuius passióne, secúndum Simeónis prophetíam dulcíssimam ánimam gloriósæ Vírginis et Matris Maríæ dolóris gládius pertransívit: concéde propítius, ut qui dolóres eius venerándo recólimus, passiónis tuæ efféctum felícem consequámur. Qui vivis et regnas in saécula sæculórum.

R. Amen.