Kyrie, eléison. Kyrie, eléison.

Christe, eléison. Christe, eléison.

Kyrie, eléison. Kyrie, eléison.

Christe, áudi nos. Christe, áudi nos.

Christe, exáudi nos. Christe, exáudi nos.

Pater de cælis, Deus, miserére nobis.

Fili, Redémptor mundi, Deus,

Spíritus Sancte, Deus,

Sancta Trínitas, unus Deus,

Cor Iesu, Fílii Patris ætérni,

Cor Iesu, in sinu Vírginis Matris a Spíritu Sancto formátum,

Cor Iesu, Verbo Dei substantiáliter unítum,

Cor Iesu, maiestátis infinítæ,

Cor Iesu, templum Dei sanctum,

Cor Iesu, tabernáculum Altíssimi,

Cor Iesu, domus Dei et porta cæli,

Cor Iesu, fornax ardens caritátis,

Cor Iesu, iustítiæ et amóris receptáculum,

Cor Iesu, bonitáte et amóre plenum,

Cor Iesu, virtútum ómnium abyssus,

Cor Iesu, omni laude digníssimum,

Cor Iesu, rex et centrum ómnium córdium,

Cor Iesu, in quo sunt omnes thesáuri sapiéntiæ et sciéntiæ,

Cor Iesu, in quo hábitat omnis plenitúdo divinitátis,

Cor Iesu, in quo Pater sibi bene complácuit,

Cor Iesu, de cuius plenitúdine omnes nos accépimus,

Cor Iesu, desidérium cóllium æternórum,

Cor Iesu, pátiens et multæ misericórdiæ,

Cor Iesu, dives in omnes qui ínvocant te,

Cor Iesu, fons vitæ et sanctitátis,

Cor Iesu, propitiátio pro peccátis nostris,

Cor Iesu, saturátum oppróbriis,

Cor Iesu, attrítum propter scélera nostra,

Cor Iesu, usque ad mortem oboédiens factum,

Cor Iesu, láncea perforátum,

Cor Iesu, fons totíus consolatiónis,

Cor Iesu, vita et resurréctio nostra,

Cor Iesu, pax et reconciliátio nostra,

Cor Iesu, víctima peccatórum,

Cor Iesu, salus in te sperántium,

Cor Iesu, spes in te moriéntium,

Cor Iesu, delíciæ Sanctórum ómnium,

Agnus Dei, qui tollis peccáta mundi, parce nobis, Dómine.

Agnus Dei, qui tollis peccáta mundi, exáudi nos, Dómine.

Agnus Dei, qui tollis peccáta mundi, miserére nobis.

V. Iesu, mitis et húmilis Corde.

R. Fac cor nostrum secúndum Cor tuum.

V. Orémus.

Omnípotens sempitérne Deus, réspice in Cor dilectíssimi Fílii tui, et in laudes et satisfactiónes, quas in nómine peccatórum tibi persólvit, iísque misericórdiam tuam peténtibus tu véniam concéde placátus, in nómine eiúsdem Fílii tui Iesu Christi, qui tecum vivit et regnat in unitáte Spíritus Sancti Deus, per ómnia saécula sæculórum.

R. Amen.