Kyrie, eléison. Kyrie, eléison.

Christe, eléison. Christe, eléison.

Kyrie, eléison. Kyrie, eléison.

Christe, áudi nos. Christe, áudi nos.

Christe, exáudi nos. Christe, exáudi nos.

Pater de cælis, Deus, miserére nobis.

Fili, Redémptor mundi, Deus,

Spíritus Sancte, Deus,

Sancta Trínitas, unus Deus,

Sancta María, ora pro nobis.

Sancte Ióseph,

Proles Dávid ínclita,

Lumen Patriarchárum,

Dei Genetrícis sponse,

Custos pudíce Vírginis,

Fílii Dei nutrície,

Christi defénsor sédule,

Almæ Famíliæ præses,

Ióseph iustíssime,

Ióseph castíssime,

Ióseph prudentíssime,

Ióseph fortíssime,

Ióseph oboedientíssime,

Ióseph fidelíssime,

Spéculum patiéntiæ,

Amátor paupertátis,

Exémplar opíficum,

Domésticæ vitæ decus,

Custos vírginum,

Familiárum cólumen,

Solácium miserórum,

Spes ægrotántium,

Patróne moriéntium,

Terror daémonum,

Protéctor sanctæ Ecclésiæ,

Agnus Dei, qui tollis peccáta mundi, parce nobis, Dómine.

Agnus Dei, qui tollis peccáta mundi, exáudi nos, Dómine.

Agnus Dei, qui tollis peccáta mundi, miserére nobis.

V. Constítuit eum dóminum domus suæ.

R. Et príncipem omnis possessiónis suæ.