V. Orémus pro Pontífice nostro N.

R. Dóminus consérvet eum, et vivíficet eum, et beátum fáciat eum in terra, et non tradat eum in ánimam inimicórum eius.

V. Fiat manus tua super virum déxteræ tuæ.

R. Et supra fílium hóminis quem confirmásti tibi.

V. Orémus.

Deus, qui providéntiæ tuæ consílio super beátum Petrum, céteris Apóstolis præpósitum, Ecclésiam tuam ædificári voluísti; réspice propítius ad Papam nostrum N., et concéde, ut, quem Petri constituísti successórem pópulo tuo visíbile sit unitátis fidei et communiónis princípium et fundaméntum. Per Christum Dóminum nostrum.

R. Amen.